Anne Gjevang () er ein norsk operasongar. Ho syng altstemme, og har ofte sunge i operaer av Wagner. Profil hjå Wagneropera.no
Karriere
Gjevang har si musikalske utdanning m.a. frå Santa Cecilia-konservatoriet i Roma. Ho blei uteksaminert derifrå i 1971, same året som ho heldt konsertdebuten sin som songarinne. Ho utdanna seg vidare ved musikkhøgskolen i Wien, der ho tok eksamen i 1973. Ho song i sin fyrste opera allereie i 1972, og har hatt ein lang og innhaldsrik karriere etter dette.
I Noreg har ho mellom anna sunge hovudrollene i både Frøken Julie og Carmen ved Den Norske Opera. På verdsbasis har ho sunge solo med både Berliner Philharmoniker, Chicago Symphony Orchestra og London Philharmonic Orchestra og opptredd i Metropolitan Opera i New York by, på La Scala i Milano, på operaen i Zürich, i Paris, på Royal Opera House i London og på festspela i Bayreuth.
Anne Gjevang har også vore avløysande operasjef på Den Norske Opera frå Paul Curran gjekk av 1. januar 2012 til Per Boye Hansen overtok stillinga 1. august.
Prisar og utmerkingar
1985/86: Kritikarprisen 1993: Lindemanprisen
Kjelder
Fotnotar
Kategori:Musikarar frå Oslo Kategori:Norske operasongarar