mini|venstre|GARS Base General Bernardo O'Higgins Riquelme eller Base Libertador General Bernardo O'Higgins Riquelme, forkorta Bernardo O'Higgins kalla opp etter Bernardo O'Higgins, er ein fast bemanna chilenske base i Antarktis og hovudstaden i kommunen Antártica. Han ligg 13 meter over havet, kring 30 km sørvest for Prime Head, det nordlegaste punktet på Den antarktiske halvøya. Han vart opna den 18. februar 1948 og er ein av basane i Antarktis som har vore lengst i kontinuerleg drift. Om vinteren er det 16 personar som heldt til på basen, og om sommaren vanlegvis kring 44, men han kan ta opp mot 60 personar. Basen vert driven av den chilenske hæren, og vert òg kalla Puerto Covadonga etter hamna han ligg ved.
Den tyske antarktiske mottakarstasjonen (GARS eller German Antarctic Receiver Station) vart oppretta ved O'Higgins i 1991 av DLR. Han er ein satellittbakkestasjon i Antarktis for å ta imot data frå satellittbaserte sensorar i sørpolområdet som elles ville gått tapt.
Klima Bernardo O'Higgins-basen har eit kaldt arktisk klima (Köppen E). Årsmiddelnedbøren er 772 mm og er jamt fordelt utover året, typisk med eit lite maksimum om våren. Temperaturane er låge året rundt. Den varmaste månaden er januar med ein månadsmiddeltemperatur på 1 °C, medan den kaldaste månaden er juli med ein månadsmiddeltemperatur på -8 °C.
Kjelder Denne artikkelen bygger på «Base General Bernardo O'Higgins Riquelme» frå , den 15. mars 2014. oppgav desse kjeldene:
Bakgrunnsstoff Base General Bernardo O'Higgins Instituto Antartico Chileno si offisielle side Gecko2 Electric Boogaloo The O'Higgins Pingvin-kamera (bøylepingvinar; sesongbasert) COMNAP
Kategori:Chilensk Antarktis Kategori:Satellittbakkestasjonar Kategori:Utpostar i Graham Land Kategori:1948 i Antarktis Kategori:Busetnader grunnlagde i 1948