M/F «Osafjord», i dag MS «Showboat», var ei bilferje bygd for Hardanger Sunnhordlandske Dampskipsselskap i 1959.
Ferja vart bygd ved Stord Verft ved Leirvik i Stord kommune og var i drift for HSD fram til 1976 og gjekk hovudsakleg i tre forskjellige ruter i Hardanger og Sunnhordland.
I oktober 1976 vart ferja seld til Namsos Trafikkselskap. Ferja vart då ombygd og omdøypt MF «Lauvsnes».
I juni 1983 vart ho seld vidare til Stavanger og vart nytta som transportskip. I 1986 gjekk ho vidare til Oslo, der ho vart ombygd og fekk namnet «Showboat». Under dette namnet hadde ho forskjellige eigarar fram til 2002 og vart nytta til utfluktar i Oslofjorden. I 2002-2003 vart båten renovert i Bergen ved Bergen Mekaniske Verksted i Laksevåg. Sidan 2004 har ho vert nytta til utflukter kring Bergen.
MF «Osafjord» vart seld til West Charter AS i 2019. I 2020 vart skipet selt vidare til Geir Atle Stormbringer etter at West Charter AS gjekk konkurs. I 2021 kjøpte Pål Aaserud skipet gjennom firmaet Sailr As. Dei fører skipet vidare ved å leie ut til events og blåturar.
Ferjesamband 1959-1962: Ulvik - Brimnes 1962-1965: Skånevik - Matre - Utåker 1965-1976: Jektevik - Flatråker - Nordhuglo, med lokalrute til Flakkavåg 1976-1980: Kjerstivika - Seierstad - Salsnes 1980-1982: Kjerstivika - Briksillan
Kjelder
Skipet.no
Bakgrunnsstoff
Kategori:Norske ferjer Kategori:Båtar frå Vestland Kategori:HSD-eigde fartøy Kategori:Skip frå 1959 Kategori:Skip bygde ved Aker Stord Kategori:1959 i Noreg