Bjørn Hernæs

Bjørn Hernæs () er ein tidlegare norsk industrileiar, gardbrukar og Høgre-politikar. Han var innvald på Stortinget frå Hedmark 1993–2005.

Hernæs er son av malar Asbjørn Jacobsen og gardbrukar Borghild Hernæs. Etter studenteksamen i 1975 gjekk han inn i næringslivet, og tok handelsskole og studium ved Bedriftsøkonomisk Institutt. Hernæs var kontorassistent i maskinfirmaet Alfa Laval AS 1954–1958, salssjef for symaskinfabrikanten Pfaff AS 1958–1968, salsdisponent i kjemi- og lækjemiddelfirmaet Norske Hoechst AS 1968–1972 og administrerande direktør i gardinsystemfabrikanten Silent Gliss Norway AS på Skarnes 1972–1993. Han fungerte òg som administrerande direktør i Silent Gliss i Danmark og Sverige 1981–1984. Hernæs har òg drive slektsgarden Øvre Hærnes på Sander og hatt styreverv i lokalt næringsliv.

Hernæs var viseformann i Sinsen Unge Høgre 1958–1960, leiar i Sør-Odal Høgre 1988–2006 og informasjonsleiar i Hedmark Høgre 1991–1993. Frå midten av 1980-åra leidde han Østlandskomiteen for utbygging av Gardermoen lufthamn. Hernæs var innvald på Stortinget frå Hedmark 1993–2005. På Stortinget var han medlem av Stortingets forsvarskomité 1993–1997 og 2001–2005, medlem av Stortingets justiskomité 1997–2001, visesekretær i Stortingets plenum 1997–2001 og leiar av stortingsdelegasjonen til OSSE si parlamentariske forsamling 2001–2005. Frå 2014 var han leiar i Hedmark Senior Høgre.

Kjelder

Denne artikkelen bygger på «Bjørn Hernæs» frå , den 18. desember 2015. Bakgrunnsstoff

Kategori:Folk frå Sør-Odal Kategori:Stortingsrepresentantar 1993-1997 Kategori:Stortingsrepresentantar 1997-2001 Kategori:Stortingsrepresentantar 2001-2005 Kategori:Stortingsrepresentantar for Hedmark Kategori:Stortingsrepresentantar frå Høgre