Johan Mathiassen Moe () var ein svensk-norsk gardbrukar og politikar som representerte Arbeidarpartiet på Stortinget frå 1927 til 1945.
Mathiassen var son til ein bonde i Kville sokn i Bohuslän. Han flytta til Sandar i Noreg i 1894 og arbeidde i to år som tenestekar på eit gardsbruk. Sidan var han i fire år køyrekar i Kristiania og forpakta så gardsbruk. I 1903 han reiste tilbake til Sandar og arbeidde i sju år på Framnes mekaniske verksted. Etter han hadde vorte norsk statsborgar kjøpte han i 1910 ein gard på Mo i Sandar, og dreiv denne i lang tid.
Mathiassen var medlem av Sandar heradsstyre frå 1913 til 1940, mest heile tida hadde han plass i formannskapet. Elles var han i mange år medlem i likningsnemnda og i fattigstyret.
Hausten 1927 vart Mathiassen vald til stortingsrepresentant for Arbeidarpartiet, den aller fyrste Arbeidarparti-representanten frå valkrinsen Vestfold. Sidan vart han attvald både i 1930, 1933 og 1936. Den fyrste treårsbolken var han medlem i Protokollkomiteen, frå 1931 hadde han fast plass i Landbrukskomiteen.
Kjelder
Kategori:Stortingsrepresentantar for Vestfold Kategori:Stortingsrepresentantar frå Ap Kategori:Stortingsrepresentantar 1928-1930 Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Stortingsrepresentantar 1937-1945 Kategori:Lokalpolitikarar i Sandar Kategori:Ap-politikarar i Vestfold Kategori:Folk frå Sandefjord