Jørgen Johannes Havig () var ein lensmann, gardbrukar og stortingsmann frå Vemundvik i Nord-Trøndelag.
Havig var son til ein lensmann. Sjølv var han lensmann i Namsos og Fosnes frå han var 18 år gammal. Gjennom 52 år, 1826-78, handheva han lensmannsombodet. Jamsides var han gardbrukar på farsgarden Havik. Han var òg medlem 1838-73 i heradsstyret, og periodane 1856-62 og 1862-75 var han forlikskommissær i høvesvis Overhalla og Namsos. Frå 1842 var han sjef for den nyoppretta sparebanken.
Havig møtte på stortinga 1839 og 1845 som representant frå Nordre Trondhjems amt. Fyrste gongen var han medlem i Protokollkomiteen og i Komiteen om stempellova, medan han i 1845 var sekretær i Protokollkomiteen. Til Stortinget 1842 var han 2. varamann, medan han var fyrste varamann til Stortinget 1848.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1839-1841 Kategori:Stortingsrepresentantar 1845-1847 Kategori:Folk frå Namsos