Tommy Johnson () var ein amerikansk bluesmusikar, songar og gitarist frå Mississippi. Han er kjend for den høge falsettrøysta si og det intrikate gitarspelet sitt, og er ein av de mest innverknadsrike musikarane innan deltablues. Han utførte ei rekkje innspelingar mellom 1928 og 1930, der nokre av dei best kjende er «Cool Drink of Water Blues», «Maggie Campbell Blues» og «Big Road Blues».

Bakgrunn Johnson blei fødd nær Terry i Mississippi i januar 1896. Rundt 1910 flytta han til Crystal Springs, der han budde det meste av livet. Han lærte seg å spela i gitar, og spedde ettervkvart på inntekta si ved å spela på lokale festar saman med brørne Major og LeDell. I 1916 gifta Johnson seg og flytta til Webb Jennings-plantasjen ved Drew i Mississippi, ikkje langt frå Dockery Plantation. Her møtte han andre musikarar, mellom anna Charlie Patton og Willie Brown.

Karriere I 1920 var Johnson blitt ein omreisande musikar med base i Crystal Springs. Han reiste vidt omkring i Sørstatane, tidvis saman med Papa Charlie McCoy. I 1928 gjorde han sine første innspelingar, med McCoy, for Victor Records. Ein av desse var «Canned Heat Blues», der han song om å drikka metanol frå kokespriten Sterno. Songen har refrenget «canned heat, mama, sure, Lord, killing me.» Den seinare bluesgruppa Canned Heat henta namnet sitt frå denne songen. Johnson sin song «Big Road Blues» inspirerte Canned Heat til å laga «On the Road Again».

Johnson gjorde to til innspelingar, for Victor i august 1928 og for Paramount Records i desember 1929. Etter dette gjorde han ikkje fleire innspelingar.

Innspelingane til Johnson gjorde han til den fremste Delta blues-songaren i samtida. Han hadde ei mektig røyst som kunne gå frå låg brumling til høg falsett. Han var ein dyktig gitarist som også kunne utføra triks med instrumentet, til dømes ved å spela mellom føtene sine og bak hovudet eller å kasta gitaren i lufta under spel.

Stilen hans påverka seinare bluessongarar som Robert Nighthawk og Howlin' Wolf (som baserte songen «I Asked for Water [She Brought Me Gasoline]» på Johnson sin «Cool Drink of Water Blues»), og countrysongaren Hank Williams. Johnson var ein dyktig låtskrivar som blanda fragment av folkedikting og personlege songtekstar inn i fastsette gitarakkompagnment til slåande bluessongar som «Maggie Campbell».Barlow, William (1989). "Looking Up at Down": The Emergence of Blues Culture. Temple University Press, s. 42. .

Ifølgje broren LeDell heva Johnson å ha gjort ein avtale med Djevelen i eit vegkryss der han selde sjela si for å blei ein meisterspelar på gitar.Evans, David (1971). Tommy Johnson. Studio Vista, s. 22. . Denne soga blei seinare også knytt til Robert Johnson, ein samtidig bluesmusikar som ikkje var i slekt med Tommy Johnson.

Johnson fortsette å vera ein populær artist i området rundt Jackson i Mississippi på 1930- og 1940-talet. Somme tider opptredde han saman med Ishman Bracey. Han hadde stor påverknad på andre utøvarar, dels fordi han var villig til å læra dei spelestilen og repertoaret sitt. Død og ettermæle Johnson døydde av eit hjarteåtak etter å ha spelt på ein lokal fest i 1956. Han er gravlagd i Warm Springs Methodist Church Cemetery utanfor Crystal Springs i Mississippi.

I 2006 blei det skipa ein årleg bluesfestival til ære for Johnson, The Tommy Johnson Blues Festival, i Crystal Springs og Jackson. Festivale går føre seg den tredje helga i oktober.

Kjelder

Denne artikkelen bygger på «Tommy Johnson (musician)» frå , og «Tommy Johnson (musiker)» frå den 16. juli 2019.

Bakgrunnsstoff Tommy Johnson Blues Foundation site Illustrated Tommy Johnson discography

Arkiverte nettstader Site for "Crossroads: The Life and Afterlife of Blues Legend Robert Johnson" with links and material related to Tommy Johnson Canned Heat Blues Lyrics MP3 Audio file of "Canned Heat Blues" on The Internet Archive Tommy Johnson on Paramount Records

Kategori:Folk frå Terry i Mississippi Kategori:Folk frå Drew i Mississippi Kategori:Afroamerikanske musikarar Kategori:Deltablues-musikarar Kategori:Countryblues-musikarar Kategori:USA-amerikanske bluesgitaristar Kategori:USA-amerikanske mannlege gitaristar Kategori:Countrybluessongarar Kategori:USA-amerikanske bluessongarar Kategori:Bluesmusikarar frå Mississippi Kategori:Paramount Records artists Kategori:Victor Records artists Kategori:USA-amerikanske gitaristar frå 1900-talet Kategori:USA-amerikanske songarar frå 1900-talet Kategori:Mannlege musikarar frå 1900-talet Kategori:Gitaristar frå Mississippi