D/S Ernst (kallesignal MKVS) var eit dampskip bygt i 1908 som lasteskip for Ångfartygs-A/B Labora i Göteborg i Sverige. I 1915 vart skipet kjøpt av Det Bergenske Dampskibsselskab (BDS) og omdøypt DS «Ernst».
Historie Skipet vart bygt ved Göteborgs Nya Verkstad AB i Göteborg og levert i juni 1908.
I februar 1915 kjøpte BDS skipet for 277 998 kroner. 19. oktober 1916 grunnstøytte skipet ved Whitby Rock og vart reparert ved Haugesund Mekaniske Verksted. I 1917 vart skipet rekvirert av The Shipping Controller i London og levert attende i 1919 då første verdskrigen var over.
Skipet vart i 1921 selt til Schiffahrtsreederei Sarmacja i Danzig i Tyskland og fekk namnet «Wisla». I 1927 kom det attende til Sverige, då det vart kjøpt av Ångfartygs-A/B Nornan i Gøteborg. Denne gongen fekk det namnet «Runa». Same året vart det forlenga med 14 fot og fekk større tonnasje. Alt året etter fekk skipet nye eigarar i Gøteborg, før det i 1935 hamna i Stockholm hos reiarlaget A/B Banana. I 1936 vart skipet til slutt selt til Chile, der det fekk namnet DS «Lontue» med heimehamn i San Antonio. Her var det i drift fram til det vart opphogd i 1960.
Skipet Tonnasjen til skipet var ved levering 633 brt, 346 nrt og lasteevna var 830 dødvekttonn. Volumet i lasterommet var 1 009 m³. Hovudmaskinen var ein kolfyrt tresylindra ekspansjon dampmaskin, levert av GNV. Oppgjeven yting var 400 iHk (indikerte hestekrefter), som gav ein toppfart på 10 knop knop.
Etter ombygginga i 1927 vart tonnasjen auka til 783 brt og 418 nrt, medan lasteevna var 1 000 dødvekttonn.
Sjå òg Flåten til Det Bergenske Dampskibsselskab
Kjelder
Kategori:Svenske dampskip Kategori:Svenske lasteskip Kategori:Norske dampskip Kategori:Norske lasteskip Kategori:BDS-eigde fartøy Kategori:Skip bygde ved Göteborgs Nya Verkstad Kategori:Skip frå 1908 Kategori:Skip sluttsegla i 1960 Kategori:Chilenske dampskip