Norges Rederiforbund

mini|Lokala til Norges Rederiforbund i Oslo. mini|Inngangspartiet til Norges Rederiforbund i Oslo, med bronsedører og relieff av Asbjørg Borgfeldt. Norges Rederiforbund er ein arbeidsgjevar- og interesseorganisasjon for norske reiarlag og offshoreselskap. Forbundet har kring 140 medlemmar (2018). Organisasjonen held til i det prisbelønte bygget Redernes hus i Rådhusgata 25 i Oslo. Harald Solberg er administrerande direktør og Lasse Kristoffersen er president (2018-2020). 

Historie Organisasjonen vart stifta 15. september 1909 i Kristiania, under namnet Norges Rederforbund, og skiftet til sit noverande namn i 1984. Den første presidenten i forbundet var Christian Michelsen. Organisasjonen spelte ei viktig rolle i forhandling av fraktavtaler med Storbritannia under første verdskrigen og andre verdskrigen og fleire av medlemmane til forbundet var drivande i organiseringa av Nortraship.

Verksemd Dei viktigaste arbeidsområda til forbundet er nasjonal og internasjonal næringspolitikk, arbeidsgjevarspørsmål, kompetanse og rekruttering, miljø og innovasjon og dessutan tryggleik til sjøs. Reiarforbundet si verksemd skjer i nær kontakt med næringa. Organisasjonen vert leia av medlemsvalde styre og råd og ein viktig del av verksemda skjer gjennom grupper og utval.

Medlemsføretaka er representert i fem grupper: Deep Sea, Short Sea, Gruppe for undervassentreprenørar (GUE), Gruppe for offshoreentreprenører (GOE) og Gruppe for offshore service selskap (GOS). Rederiforbundet har tette band til Den Norske Krigsforsikring for Skib, som held til i same kontorbygning og som har vore ei viktig økonomisk støtte gjennom mange tiår.

Noreg er den femte største skipsfartsnasjonen i verda i 2018 målt i flåteverdi. Den norskkontrollerte utanriksflåten tel 1788 skip per 1. juli 2018. Av desse er 615 registrert i NIS, 184 i NOR, medan 989 skip seglar under utanlandsk flagg. Norske reiarar i utanriksfart hadde ein samla omsetnad i 2017 på 213 milliardar kroner, ein nedgang frå 224 milliardar kroner året før.

Den maritime næringa i Noreg er ei global kompetansenæring med ein sterk posisjon i marknader over heile verda. Noregs leiande posisjon i næringa er skapt gjennom kontinuerleg innovasjon og fornying.

Miljø Den ambisiøse miljøvisjonen til Rederiforbundet er at norsk skipsfart og offshore entreprenørverksemd ikkje skal ha miljøskadelige utslepp til sjø eller luft. Ei av målsetjingane til forbundet er at klimagassutsleppa til skipsfarten skal regulerast gjennom eit internasjonalt regelverk, høvesvis administrert av IMO.

Arbeidsgjevarorganisasjon Som arbeidsgjevarorganisasjon er Norges Rederiforbund ansvarleg for lønsforhandlingar og etablering av tariffavtaler for norske og utanlandske sjøfolk på skip i NIS og NOR, og for offshorevirksomheten. Forbundet ivaretar arbeidsgjevarforholda til medlemmane òg gjennom kontakt og påverknad av norske og utanlandske styresmakter, og deltek i internasjonale organisasjonar som EU, ILO og IMO.

Internasjonalt samarbeid Den norske maritime næringa er global, med sterke posisjonar i marknader verda rundt. Noreg er enno ei av dei største skipsfartsnasjonane i verda, og ein av svært få med eit komplett maritimt miljø. Maritim næring er Noregs nest største eksportnæring og hadde ei samla verdiskaping i 2017 på nærare 140 milliardar kroner og 90 000 personar sysselsett i Noreg.

Forutan å samarbeida med dei norske maritime skulane, frå vidaregåande til høgare nivå, drivast det òg fleire aktivitetar internasjonalt for å sikra tilgjenge og kvalitet på utanlandske mannskap og offiserar som tenestegjer på norskkontrollerte skip. Alle potensielle rekrutteringsland vert vurdert, og dei viktigaste landa i dag er Filippinene, Kina og Russland. Her har Norges Rederiforbund aktivitetar av ulik grad.

Presidentar

1909 – Christian Michelsen 1912 – Gunnar Knudsen 1915–1918 – Ambortius Olsen Lindvig 1921–1924 – Gustav Henriksen 1924–1927 – Hans Westfal-Larsen 1933–1936 – Fredrik Odfjell 1937–1940 – Christian Wegner Haaland Hakon Magne Valdemar Wrangell … Thomas S. Falck 1954–1957 – Lars Usterud Svendsen 1960 – Jørgen Jahre 1974–1975 – Halfdan Ditlev-Simonsen jr. … 1979 – Nils Werring jr. 1981 – Fridtjof Lorentzen 1983 – Atle Jebsen 1984–1985 - Wollert August Hvide 1986–1988 – Peter T. Smedvig 1988–1989 – Nils Jørgen Astrup 1990–1992 – Jens Ulltveit-Moe 1992–1994 – Rolf Westfal-Larsen 1994–1996 – Westye Høegh 1996–1998 – Per Sævik 1998–2000 – Bjørn Sjaastad 2000–2002 – Leif Terje Løddesøl 2002–2004 – Terje J. K. Andersen 2004–2006 – Johan G. Hvide 2006–2008 – Trygve Seglem 2008–2010 – Elisabeth Grieg 2010–2012 – Thor Jørgen Guttormsen 2012–2014 – Trond Kleivdal 2014–2016 – Lars Peder Solstad 2016–2018 - Hans Olav Lindal

Kjelder

Denne artikkelen bygger på «Norges Rederiforbund» frå , den 30. juli 2020.

Historie En reise i Rederiforbundets historie , Norges Rederiforbund, besøkt 2010-10-09, «ut innbydelse til sine kolleger om å etablere Norges Rederforbund. Etter at det var sikret tilslutning fra halvparten av landets tonnasje, ble det innkalt til konstituerende møte 15. september 1909 på Kristiania Internasjonale Sjømandshjem – som forunderlig nok lå i Rådhusgaten 25.[…] Den formelle sammenslutning fant sted ved inngangen til 1984 under navnet Norges Rederiforbund. Samtidig ble arbeidsgiveravdelingene slått sammen til Arbeidsgiverforeningen for Skip og Offshorefartøyer (ASO).»

Bakgrunnsstoff

Kategori:1909 i Noreg Kategori:Skipingar i 1909 Kategori:Norske arbeidsgjevarforeningar