Sweet Fanny Adams er det andre studioalbumet til det engelske rockebandet Sweet, først gjeve ut i 1974. Det var òg det første albumet dei gav ut der dei kalla seg berre Sweet. Albumet var eit vendepunkt i musikkstilen deira. Han har ein meir hardrockprega stil enn dei tidlegare popplatene.
Albumtittelen er eit engelsk slangord (opphavleg frå Royal Navy) som kom frå mordet på den åtte år gamle Fanny Adams i 1867 og tyder «ingenting i det heile tatt» i tillegg til ein liknande eufemisme «F.A.» = «fuck all».
Sweet Fanny Adams nådde 27. plassen på UK Albums Chart då det kom ut på RCA Records i 1974 og andreplassen på albumlista i Vest-Tyskland. Albumet kom ikkje ut i USA, men fem av songane kom ut på den amerikanske versjonen av albumet Desolation Boulevard i juli 1975.
I 1996 gav den engelske rockegruppa Love and Rockets ut albumet Sweet F.A. og eit glam metal-band frå Indiana i USA kalla seg Sweet F.A. i slutten av 1980-åra.
Allmusic skreiv om albumet: «Sjølv om dei ofte vart avviste som ein luftig singelgruppe i si tid, laga Sweet ei handfull sterke album på midten av 70-talet som hadde overraskande muskuløs hardrock. Eit godt døme på denne trenden er Sweet Fanny Adams. Tonen vert sett på opningssporet, «Set Me Free», ein brennande rockar som blandar ultrahøge vokalharmoniar til ei rasande rekkje gitarriff som driv songen opp eit vanvittig nivå liknande speed metal. Andre hardrockende høgdepunkt er «No You Don't», ein Queen-aktig song om ein uvennleg kjæraste som seinare vart spelt av Pat Benatar, og «Into the Night», eit kompleks spor som set eit vers i middels tempo mot lynraske refreng over ein overraskande funky rytme som seinare vart sampla av Beastie Boys. Likevel er heavy metal-meisterverket på albumet tittelsporet, eit medteke portrett av ungdomskriminalitet som med ein brutal tekst føreser dei dystre bileta i punkrocken.»
Innhald Alle songane skrivne og komponerte av Brian Connolly, Steve Priest, Andy Scott og Mick Tucker utanom der andre er nemnde.
Medverkande Brian Connolly – solovokal (utanom as noted) Steve Priest – bassgitar, solovokal (spor 3, 7), korvokal Andy Scott – gitar, solovokal (spor 8), korvokal Mick Tucker – trommer, korvokal
Salslister Liste (1974)PlasseringAustralia (Kent Music Report)33Storbritannia (Official Charts Company)27
Kjelder
Denne artikkelen bygger på «Sweet Fanny Adams» frå , den 2. oktober 2021. oppgav desse kjeldene:
Bakgrunnsstoff
Kategori:The Sweet-album Kategori:Musikkalbum frå 1974 Kategori:Album produserte av Phil Wainman Kategori:RCA Records-album