Tomas Runar Svensson () er ein svensk tidlegare handballspelar frå Eskilstuna. Han vart verdsmeister to gongar og europameister tre gongar med Sveriges landslag. Frå 1995 til 2000 var han med på å vinne EHF-meisterligaen seks år i rad for spanske lag. Målvakta var landslagsspelar i 20 år. Karriere Klubbspel Svensson debuterte med Guif Eskilstuna i den svenske toppserien. I 1990 flytta han til Atlético Madrid, eit som dei neste to sesongane enda på tredjeplassen i det spanske serien. Sommaren 1992 skreiv han kontrakt med Bidasoa Irún der han i 1995 avslutta med å verte spansk seriemeister og vinne EHF-meisterligaen. Frå 1995 til 2002 gjorde Svensson teneste i FC Barcelona. Med det katalanske laget vann han både meisterligapokal og nasjonale ligapokal fem år i rad. Våren 2001 deltok han i sin sjuande meisterliga-finale, og for fyrste sto han att som tapande finalist. I 2002 tapte Barcelona og Svensson Cupvinnarcup-finalen mot tyske THW Kiel. Dei neste tre sesongane, 2002-05, spelte han for tyske HSV Hamburg. I 2005 reiste han tilbake til Spania og byrja spele for Portland San Antonio. Med laget fra Pamplona nådde han finalen i meisterligaen i 2006. Sommaren 2009 flytta han til Pevafersa Valladolid. Etter å ha vore målvakt og målvaktstrenar 2011/12 i tyske Rhein-Neckar Löwen slutta han som aktiv.
Landslagsspel Svensson deltok i tida frå januar 1988 til januar 2008 i 331 av det svenske landslaget sine landskampar. Han vart verdsmeister i 1990 og 1999 og vann sølv i VM 2001 og bronse i 1993 og 1995. Vidare vart han europameister i 1994, 2000 og 2002, samt sølvmedalje ved dei olympiske leikane i 1992, 1996 og 2000.
Merittar VM 1990: Gullmedalje, 27-23 mot Sovjetunionen Sommar-OL 1992: Sølvmedalje, 20-22 mot «Sovjetunionen» VM 1993: Bronsemedalje, 26-19 over Sveits EM 1994: Gullmedalje, 34-21 over Russland VM 1995: Bronsemedalje, 26-20 mot Tyskland Sommar-OL 1996: Sølvmedalje, 26-27 mot Kroatia VM 1999: Gullmedalje, 25-24 mot Russland EM 2000: Gullmedalje, 32-31 mot Russland Sommar-OL 2000: Sølvmedalje, 26-28 mot Russland VM 2001: Sølvmedalje, etter 25-28 mot Frankrike EM 2002: Gullmedalje, 33-31 mot Tyskland Vinnar av EHF-meisterligaen: 1995 for Bidasoa Vinnar av EHF-meisterligaen: 1996, 1997, 1998, 1999 og 2000 for FC Barcelona Spansk ligameister: 1996, 1997, 1998, 1999 og 2000 for FC Barcelona Spansk cupmeister: 1997, 1998 og 2000 for FC Barcelona
Kjelder
Denne artikkelen bygger på «Tomas Svensson» frå , den 28. juli 2024.
Kategori:Svenske handballspelarar Kategori:Verdsmeistrar i handball Kategori:Europameistrar i handball Kategori:Olympiske medaljevinnarar i handball Kategori:Olympiske sølvmedaljevinnarar for Sverige Kategori:Medaljevinnarar under sommar-OL 1992 Kategori:Svenske deltakarar under sommar-OL 1992 Kategori:Handballspelarar under sommar-OL 1992 Kategori:Medaljevinnarar under sommar-OL 1996 Kategori:Svenske deltakarar under sommar-OL 1996 Kategori:Handballspelarar under sommar-OL 1996 Kategori:Medaljevinnarar under sommar-OL 2000 Kategori:Svenske deltakarar under sommar-OL 2000 Kategori:Handballspelarar under sommar-OL 2000