Dill (Anethum graveolens) er ein krydder- og medisinplante i skjermplantefamilien som opphavleg stammar frå Sentral-Asia. Planten er eittårig og blir 40-60 cm høg, med smale blad som er 10-20 cm lange. Blad og frø blir begge brukte til å gje smak på mat.
Dillblad blir brukt som urter, helst ferske men også tørka, særleg saman med fisk og skaldyr. Frøa blir mellom anna brukte til sylting.
Dill har vore i bruk lenge blant menneska. Det eldste funnet er frå yngre steinalder i Sveits. Ein har også funne kvastar i faraograva til Amenhotep II.
Systematikk Til dill reknar ein med følgjande underartar eller variantar: Hagedill (Anethum graveolens L. var. hortorum Alef.) Åkerdill (Anethum graveolens L. var. graveolens) Indisk dill (Anethum graveolens L. subsp. sowa bzw. f. sowa)
Kultivarar Anethum graveolens 'Bouquet' Anethum graveolens 'Fernleaf' Anethum graveolens 'Mammoth' Anethum 'Vierling'
Bakgrunnsstoff
Kategori:Skjermplantefamilien Kategori:Urter Kategori:Medisinplantar