Skjaldbreiður (Breitt skjold på norsk) er ein vulkan på Island som har gjeve opphavet til namnet på vulkantypen skjoldvulkan. Han vart danna under eit svært utbrot for om lag 9000 år sidan. Den omfattande lavasletta vart òg danna under dette utbrotet, rann sørover og danna bassenget Þingvallavatn, den største innsjøen på Island, og Þingvellir der Alþingi vart grunnlagd i 930.
Vulkanen er 1 060 meter over havet og krateret er om lag 300 meter i diameter.
Lavasletta frå Skjaldbreiður ligg over Den midtatlantiske ryggen og har vorte vridd og rive laus gjennom tusenåra og danna mange sprekker innanfor Þingvellir nasjonalpark. Dei mest kjende av desse er Almannagjá, Hrafnagjá og Flosagjá.
Sjå òg Vulkanar på Island
Kjelder
Denne artikkelen bygger på «Skjaldbreiður» frå , den 5. oktober 2007.
Kategori:Fjell på Island Kategori:Vulkanar på Island Kategori:Skjoldvulkanar