Emilia-Romagna er ein av tjue regionar i Italia og har Bologna som hovudstad. Regionen har eit areal på 22 123 km² og om lag 4,4 millionar innbyggjarar. Det er den nest rikaste regionen i Italia og mattradisjonane her frå er godt kjend.
Geografi Emilia-Romagna ligg nord i Italia og består av dei to historiske regionane Emilia og Romagna. Regionen ligg mellom Adriahavet i aust, elva Po i nord og Appenninane i sør.
Av andre regionar grensar Emilia-Romagna til Lombardia og Veneto i nord. og i sør til Toscana og Marche, samt republikken San Marino. mini|venstre Emilia-Romagna er delt inn i ni provinsar:
Bologna Ferrara Forlì-Cesena Modena Parma Piacenza Ravenna Reggio Emilia Rimini
Historie Emilia-Romagna var ein del av områda til etruskarane før det vart erobra av romarane. Namnet på regionen har røter tilbake til romartida og Emilia refererer til via Æmilia, ein viktig romarveg frå Roma til dei nordlege delane av Italia. Romagna er ei omforming av Romània, då Ravenna var hovudstad i den italienske delen av Austromarriket, og langobardarane heldt fram med å nytte namnet på området rundt Ravenna. Kystområda av Emilia vart styrt av austromarriket frå 540 til 751. I mellomalderen følgjer historia til Emilia og Romagna historia til individuelle byar. På 1500-talet vart dei fleste av desse byane innlemma i Kyrkjestaten, men områda til Parma, Piacenza og Modena vart verande sjølvstendige fram til Emilia-Romagna vart ein del av Kongedømet Italia i 1859–1861.
Demografi
Byar i Emilia-Romagna med meir enn 50 000 innbyggjarar.
Kommune Innbyggjarar (2006 est.) Bologna 373 743 Modena 180 469 Parma 175 789 Reggio Emilia 157 388 Ravenna 149 084 Rimini 135 682 Ferrara 132 471 Forlì 112 477 Piacenza 99 340 Cesena 93 857 Imola 66 340 Carpi 64 517 Faenza 54 749
Kjelder
Denne artikkelen bygger på «Emilia-Romagna» frå , den 2. desember 2007.
Bakgrunnsstoff
Kategori:Regionar i Italia Kategori:Vinområde i Italia