Røyrvik kyrkje er ei langkyrkje i Røyrvik kommune i Trøndelag. Nybyggarar og samar i Røyrvik fekk løyve til å byggje kapell etter kongeleg resolusjon 16. februar 1828. Tømmerbygningen vart innvigd 11. september 1828, med plass til 180 personar. Opphavleg namn var «Rørvigens capell».
Den raudmåla bygningen vart ombygd og måla kvit i 1901 (arkitekt O. Alfstad). Ho fekk samstundes status som kyrkje.
Måleriet av «presten Krag» vart gjeve som gåve. Døypefatet av tinn kom i 1828, truleg frå Nærøy. Dagens tyskbygde orgel vart teke i bruk i 1926. I 1959 vart kyrkja del i det nyutskilte Røyrvik og Namsskogan prestegjeld. Kyrkja vart renovert i 1965.
Kjelder
Petter Vekterli og Ola Hjulstad: Røyrvik kirke 1828-1978., 1978. 146 s
Bakgrunnsstoff
Kategori:Kyrkjer i Røyrvik Kategori:Norske kyrkjer frå 1820-åra Kategori:Kulturminne i Røyrvik Kategori:Kyrkjer i Namdal prosti Kategori:1828 i Noreg Kategori:Langkyrkjer i Nidaros bispedømme