Engervannet

Engervannet er eit vatn nær Sandvika i Bærum kommune i Akershus fylke. Vatnet høyrer til Sandviksvassdraget og ligg ved Sandvika mellom Løkkeåsen og Sandviksåsen.

Nordaustenden av vatnet, der Øverlandselva renn ut i Engervannet, er vatnet særs grunt. Dette området er attraktivt for fuglar. Rundt sørvestenden av vatnet er området utbygd. Her er det populært å mate ender vinterstid. Blommenholm og Sandvika Tennisklubb har lokala sine i området.

Normalt renn vatnet frå Engervannet ut i Rønneelva, som møter Sandvikselva, like før Sandvikselva munnar ut i Oslofjorden. Engervannet ligg derimot så lågt at når det er høg flo i Oslofjorden vil vatnet stundom renne opp Rønneelva og inn i Engervannet.

Kategori:Innsjøar i Akershus Kategori:Geografi i Bærum