Kilevann er ein innsjø som ligg i Skien kommune i Telemark. Innsjøen er ein vesentleg del av det vesle Herrevassdraget som munnar ut ved Herre i Frierfjorden, i Bamble kommune.
Kilevann er meromiktisk, det vil seie at det nedste vasslaget er stilleståande. I dette tilfellet består det av gammalt sjøvatn, truleg frå landhevinga etter siste istid for 8–9 000 år sidan.
Andre meromiktiske innsjøar med gammalt sjøvatn i Noreg er Rørholtfjorden i Tokke, Tronstadvatn, Birkelandsvatn, Salvatnet, Botnvatn, Rørhopvatn og Strandvatn.
Kategori:Innsjøar i Skien Kategori:Herrevassdraget Kategori:Meromiktiske innsjøar