Jo Ørjasæter () var ein norsk journalist, teater- og litteraturkritikar og sakprosaforfattar, fødd på Lillehammer.
Ørjasæter var utdanna filolog frå Oslo og USA, og arbeidde som kulturmedarbeidar i avisa Nationen i meir enn førti år. Samtidig skreiv han bøker om historia til Fjernsynsteatret, Det Norske Teatret og biografiar om Nils Collett Vogt og Nini Roll Anker. Boka om Anker skreiv han i lag med kona si, Tordis Ørjasæter.
Han var òg ein aktiv omsetjar og har blant mykje anna omsett bøker av Märta Tikkanen, Sara Lidman og Kerstin Ekman. Han fekk Kultur- og kyrkjedepartementets pris for omsetjing barne- og ungdomslitteratur tre gonger, for omsetjingane av Dei teier meg i hel av Inger Skote i 1975, for Mor er inga heks av Olov Svedelid i 1982 og Det Jamie såg av Carolyn Coman i 1997http://oversetterforeningen.no/media/Kulturdepartementets_3.pdf For den sistnemnde fekk han òg Bastianprisen.
Han var son av Tore Ørjasæter og gift med Tordis Ørjasæter.
Referansar
Kategori:Norske journalistar Kategori:Norske sakprosaforfattarar kategori:Folk frå Lillehammer Kategori:Vinnarar av Bastianprisen