«Miss You» er ein song av The Rolling Stones på albumet deira Some Girls frå 1978.
«Miss You» vart skriven av songar Mick Jagger medan han spelte med keyboardisten Billy Preston under ei øving i mars 1977. Sjølv om Keith Richards òg er tilskriven, vert Jagger vanlegvis rekna som komponisten.
Fleire songar på Black and Blue frå 1976 hadde vore påverka av dansemusikk. «Miss You» var den første Rolling Stones-singelen med eit tydeleg disco-preg, mellom anna i den stødige trommespelinga til Charlie Watts og den funky bassen til Bill Wyman. Melodien vert sungen i falsett av Jagger og songen har eit refreng med drøymande og nesten rar koring. Innimellom markerer munnspelet til Sugar Blue hovudriffet. Han har òg ein skarp solo. Den funky rytmen og rappinga på verset gjer at songen kan minne om tidleg hip-hop, bortsett frå at dette var fleire år før hip-hop vart rekna som ein eigen sjanger.
I motsetnad til dei fleste andre songane på Some Girls hadde «Miss You» med fleire studiomusikarar. I tillegg til Sugar Blue, finn ein Ian McLagan på elektrisk piano, som ligg nesten uhøyrleg i bakgrunnen, og Mel Collins på den glitrande saksofonsoloen i instrumentalparitet.
Medverkande Medverkande etter CD-omslaget.
The Rolling Stones Mick Jagger – solo- og korvokal, elektrisk gitar Keith Richards – elektrisk gitar, korvokal Ronnie Wood – elektrisk gitar, korvokal Bill Wyman – bassgitar Charlie Watts – trommer
Andre medverkande Ian McLagan – elektrisk piano Mel Collins – tenorsaksofon Sugar Blue – munnspel
Utgjeving
«Miss You» vart ein av dei største singlane til The Rolling Stones, og vart den åttande førsteplassen deira i USA då han kom ut i 1978. Songen var opphavleg nesten ni minuttar lang, men vart korta ned til fire og eit halvt minutt for albumet og tre og eit halvt minutt for singelen. B-sida på singelen var «Far Away Eyes» frå albumet, ein lett country-song.
Konsertutgåver av songen finst på Flashpoint frå 1991. Justin Timberlake samarbeidde med The Stones på ei konsertutgåve av songen på Toronto Rocks festival.
I 2004 plasserte musikkmagasinet Rolling Stone songen på 496. plass på lista deira over dei 500 største songane gjennom tidene.
Salslister og salstrofé
Vekeslister Liste (1978)PlasseringAustralia (Kent Music Report)8Finland (Suomen virallinen-lista)19US Billboard Hot 1001US Billboard Hot Dance Club Play6US Billboard Hot Soul Singles33US Cash Box1US Record World3
Årslister Liste (1978)PlasseringAustralia (Kent Music Report)41Belgia (Ultratop 50 Flandern)29Canada (RPM 200 Singles)5Nederland (Nederlandsk Topp 40)12Nederland (Single Top 100)37New Zealand (Recorded Music NZ)42US Billboard Hot 10016US Cash Box. Cash Box magazine.10
Salstrofé
Andre utgåver Etta James spelte inn ei utgåve av songen på albumet Matriarch of the Blues i 2000. Andre musikarar som har spelt songen er Musiq Soulchild, E Street Band-medlem Danny Federici i ein jazza versjon og Black Eyed Peas har spelt songen live.
Bakgrunnsstoff Songteksten
Kjelder Denne artikkelen bygger på «Miss You (The Rolling Stones song)» frå , den 24. mars 2009. oppgav desse kjeldene:
Kategori:Singlar frå 1978 Kategori:Songar frå 1978 Kategori:Rolling Stones-songar 498 Kategori:Songar produserte av The Glimmer Twins Kategori:Songar skrivne av Jagger/Richards Kategori:Discosongar Kategori:Musikkvideoar regisserte av Michael Lindsay-Hogg Kategori:Songar om einsemd Kategori:Nummer-ein-singlar i Canada Kategori:Songar på toppen av Billboard-lista Kategori:Etta James-songar Kategori:Carla Bruni-songar