Numedalsbanen er den 92,8 km lange jarnbanestrekninga frå Kongsberg stasjon til Rødberg stasjon (i Nore og Uvdal kommune). Heile strekninga ligg i Buskerud fylke.
Numedalsbanen vart offisielt opna den 19. november 1927 med Haakon VII og kronprins Olav til stades.
Numedalsbanen vart nedlagd frå 1. januar 1989. I nokre planar var det tenkt at banen skulle verta ein del av Bergensbanen. Det var damplokomotiv på Numedalsbanen fram til 1970. Etter det vart det nytta diesellokomotiv fram til banen vart nedlagd.
Numedalsbanen vart freda av Riksantikvaren i 2013. Fredinga omfattar 70 stader, både stasjonar og tunellar.
Gjenopning Hausten 2013 vart ei 30 km lang strekning frå Kongsberg til Flesberg opna for transport av flis og massevirke til Moelven Numedal i regi av Grenland Rail. På Flesberg vart det etablert ein tømmerterminal. Etter ei avsporing i april 2014 vart alle sviller bytta, og strekninga til Svene pukkverk var ferdig i november same år, medan resten var ferdig i mai 2016. I 2018 vart det kjørt 2-3 godstog i veka med massevirke frå Moelven Numedal til fabrikkar i Sverige.
I samband med utreiing av togoppstilling på Kongsberg stasjon er to av alternativa, Storemyr og Nordre Spiten, med i vurderinga. I fall eit av desse skulle bli valt, vil det medføre elektrifisering av strekninga ned til Kongsberg stasjon.
Linjekart mini|Rødberg stasjon. mini|Gvammen stasjon. mini|Midtstigen haldeplass. mini|Norefjord stasjon.
Kjelder
Bakgrunnsstoff
Foreninga Numedalsbanens Venner www.numedalsbanen.net
Kategori:Nedlagde jarnbanestrekningar i Noreg Kategori:Jarnbanestrekningar i Buskerud Kategori:Jarnbanestrekningar opna i 1927 Kategori:Jarnbanestrekningar nedlagde i 1989 Kategori:Kulturminne i Rollag Kategori:Olavsrosa Kategori:Freda bygg i Buskerud Kategori:Samferdsle i Rollag