René Adler () er ein tysk tidlegare fotballspelar frå Leipzig som var målvakt for Bayer Leverkusen og Hamburger SV. I tida frå oktober 2008 til mai 2013 vakta han målburet for Tyskland i 12 landskampar.
Klubbspel Adler skreiv kontrakt med Bayer Leverkusen då han var 15 år gammal. Frå 2003 hadde han plass i A-lagsstallen til Bayer Leverkusen. I mai 2006 fekk Adler brot i eit ribbein på trening. Ribbeinet vart forsterka med ei titanplate. Han var ute av aksjon til februar 2007. Kort tid etter, 25. februar 2007, fekk han bundesligadebuten sin mot Schalke 04, då førstekeeperen Hans-Jörg Butt var utestengd grunna raudt kort. Ganske fort tok han overt som førstekeeper for Bayer Leverkusen.
Sesongane frå 2012 til 2017 gjorde han teneste i Hamburg SV.
Sommaren 2017 melde han overgang til Mainz 05. Her var han aktiv til han 29. april 2018 skada eit kne i ein kamp mot RB Leipzig. Totalt spelte Adler 269 kampar i bundesligaen.
Landslagsspel Adler vart teken ut i Tyskland sin tropp til fotball-EM i 2008, Jens Lehmann og Robert Enke var dei to andre målvaktene. Han debuterte for landslaget 11. oktober 2008 i ein 2-1-siger over Russland i ein kvalifiseringskamp til fotball-VM i 2010. Han vakta målet då Tyskland overraskande tapte 0-1 mot Noreg i Düsseldorf 11. februar 2009; Christian Grindheim var matchvinnar.
I mars 2010 vart Adler peika ut som førstekeeper for Tyskland under den komande verdsmeisterskapen, men litt over ein månad før meisterskapen vart det klart at han måtte stå over VM grunna ein ribbeinsskade. Adler stod med 10 landskampar hausten 2010, vårsesongen 2013 fekk han 2 til landskampar.
Kjelder
Denne artikkelen bygger på «René Adler» frå , den 13. juli 2026.
Kategori:Tyske fotballspelarar Kategori:Bayer Leverkusen-spelarar Kategori:Hamburg-spelarar Kategori:Mainz-spelarar