Ole Larsson Mek (Ole Larsen Meeg eller Ole Larsen Qvam; ) var ein norsk gardbrukar og stortingsmann.
Mek var fødd på garden Kvam i Hafslo i Sogn, der far hans var gardbrukar. Han eigde gardane Ugulsvik i Veitastrond og Lofthus i Sogndal, og dreiv desse fram til 1812. Han kjøpte då garden Mek i Bolsøy (i dagens Molde) og busette seg der. Denne garden dreiv han til han døydde. I 1837 fekk han forandra namnet på garden til Kvam, etter farsgarden i Sogn.
Mek var 4. representant for Romsdals amt på Stortinget i 1836, og på det overordentlege stortinget 1836-37. I 1836 var han medlem av tollkomiteen.
Han døydde på garden sin i Bolsøy. Ole Anton Qvam var sonen hans.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Norske gardbrukarar frå 1700-talet Kategori:Norske gardbrukarar frå 1800-talet Kategori:Stortingsrepresentantar 1836-1838 Kategori:Stortingsrepresentantar for Møre og Romsdal Kategori:Folk frå Luster Kategori:Folk frå Molde