Marna (Maren Anna Nielsine) Aall () var ein norsk forfattar og kvinnesakskvinne.
Liv og virke Marna Aall var tidleg på 1900-talet ein produktiv skribent i publikasjoner som Nylænde og Urd. Både i Nylænde og i Urd rapporterte ho frå «Kongressen for Kvindesagens Arbeider og Institusjoner» i Paris (1900) og argumenterte for barneoppdraging utan vald (1900).
Ho fekk publisert Draugen, ei forteljing på rim, i Samtiden i 1899, og romandebuterte i 1901 med boka Ensom. I 1907 kom romanen Løgn. Ho gav sjeldan ut bøker, og den neste kom først i 1931. Boka Menneskenes datter blei gjeven ut i København.
I Gyldendal sin populære serie Kvinnen av i dag i 1942 utkom boka hennar Kvinnevilje, ein roman der ei viljesterk og evnerik kvinne kjem til å stå mellom to menn, der handlinga er lagd til Noreg og til utlandet.
Tidleg på 1900-talet var ho kasserer i den norske avdelinga av Kvindernes Verdensfredsforbund. Ho blei seinare medlem av Nasjonal Samling.
Familie Marna Aall var dotter av sokneprest Nils Anton Aall av slekta Aall og Mathilde Susanne Dahl, og syster av filosof og psykolog Anathon Aall (1867–1943) og jurist og filosof Herman Harris Aall (1871–1957). 6. juli 1895 blei ho gift i Kristiania med filosofen Kristian Birch-Reichenwald Aars (1868–1917) av slekta Aars. Ekteskapet blei oppløyst i 1910, og 24. desember 1910 gifta ho seg i Genève med professor i målerkunst Maurizio Barricelli (1875–1931). Ho var mor til dei norsk-italienske matematikaren Nils Aall Barricelli (1912–1993) og kjemikaren Luisa Lucia Barricelli (f. 1915).
Bibliografi 1901: Ensom, Tvedte, Kristiania 1907: Løgn, Steenske Forlag, Kristiania 1931: Menneskenes datter, H. Hagerups Forlag, København 1942: Kvinnevilje, Gyldendal, Oslo
Kjelder
Bakgrunnsstoff Bøker av Marna Aall ved Bibsys
kategori:Folk frå Nesseby kategori:Norske forfattarar kategori:Norske kvinnesaksfolk