Ivar Kristiansen () er ein norsk politikar frå Høgre. Han har sete på Stortinget for Nordland fylke sidan 1997, og er frå 2009 medlem i Stortingets utanriks- og forsvarskomité. Han er Høgres talsperson for forsvar- og tryggingspolitikk, utanrikspolitikk, den tredje verda, internasjonalt arbeid, Europa og EU. Han har tidlegare vore energipolitisk talsperson, og har markert seg som ein klar tilhengjar av olje- og gassutvinning langs Nordlandskysten.
Karrière Kristiansen vart fødd i Hadsel i Nordland, som son av småbrukar Kåre Kristiansen (1916–1988) og Erna Annie Johnsen (1916–1993). Han har eksamen frå vidaregåande skule frå 1975, tilleggsutdanning frå Nordland distriktshøgskole frå 1980, i tillegg til diverse kurs frå Norske Avisers Landsforening. Han var marknadssjef i Næring i Nord 1987–1993, jobba i Salten Assuranse 1994–1995, og salssjef i Nordlandsposten 1994–1997.
Kristiansen var fylkessekretær i Nordland Høgre 1980–1987. Medlem av Bodø formannskap 1987–1995, og leiar i bystyregruppa til Høgre og Bodø fellesborgarlege gruppe 1988–1995. Han var fylkesvaraordførar i Nordland frå 1995 til han vart vald inn på på Stortinget i 1997.
== Stortingskomitea 2009–2013 medlem i Utanriks- og forsvarskomiteen 2008–2009 1. nestleiar i Energi- og miljøkomiteen 2005–2008 medlem i Energi- og miljøkomiteen 2005–2009 medlem i Valkomiteen 2001–2005 2. nestleiar i Næringskomiteen 2001–2005 medlem i Fullmaktskomiteen 2001–2005 medlem i Valkomiteen 1997–2001 medlem i Næringskomiteen
Bakgrunnsstoff Ivar Kristiansen hos Stortinget Ivar Kristiansen hos Høgre Ivar Kristiansen hos TV 2
Kategori:Stortingsrepresentantar frå Høgre Kategori:Stortingsrepresentantar for Nordland Kategori:Stortingsrepresentantar 2009-2013 Kategori:Stortingsrepresentantar 2005-2009 Kategori:Stortingsrepresentantar 2001-2005 Kategori:Stortingsrepresentantar 1997-2001 Kategori:Folk frå Hadsel