Prairie Wind er det 30. studioalbumet til den kanadiske musikaren Neil Young, gjeve ut 27. september 2005. Etter å ha å flørta med soulmusikk frå 1960-åra (Are You Passionate?) og laga ein rockeopera (Greendale) dei føregåande åra, var Prairie Wind tilbake til ein akustisk stil som minna om dei mest populære albuma hans, som Harvest og Harvest Moon. Albumet var delvis inspirert av sjukdommen og det nylege dødsfallet til faren, den kanadiske journalisten Scott Young, og albumet er dedisert til han.
Young spelte inn albumet i Nashville før han vart operert for aneurisme våren 2005. På somme av songane på albumet ser det ut til at Young konfronterer dødelegheita si.
Albumet hadde premiere under to konsertar 18. og 19. august 2005 i Ryman Auditorium i Nashville. Desse konsertane vart filma av Jonathan Demme og gjeven ut som Heart of Gold.
Young spelte første gongen avslutningssongen «When God Made Me» på Live 8-konserten i Barrie i Canada.
Utgjeving
Albumet debuterte på 11. plassen på Billboard 200-lista den 15. oktober 2015 med eit salstal på kring 72 000 eksemplar. Han låg på lista i 26 veker og hadde slet til gullplate den 23. januar 2006. Prairie Wind fekk to Grammypris-nominasjonar fo beste rockealbum av ein soloartist og beste rockesong av ein soloartist for «The Painter».
I Noreg nådde albumet til tredjeplass.
Mottaking Albumet vart av Robert Christgau rekna som «ei av dei nær døden-albuma» i lag med Mississippi John Hurt sitt Last Sessions (1972), Bob Dylan sitt Time Out of Mind (1997), Warren Zevon sitt The Wind (2003) og Johnny Cash sitt American VI: Ain't No Grave (2010).
Innhald
Medverkande Neil Young - akustisk gitar, elektrisk gitar, munnspel, piano, vokal Ben Keith - Dobro, pedalsteel, slidegitar Spooner Oldham - piano, Hammond B3 orgel, Wurlitzer elektrisk piano Rick Rosas - bass Karl Himmel - trommer, perkusjon Chad Cromwell - trommer, perkusjon Grant Boatwright - akustisk gitar, korvokal Clinton Gregory - fele på «No Wonder» Wayne Jackson - horn Thomas McGinley - horn Emmylou Harris - gjestevokal Pegi Young (kona til Neil Young) - korvokal Diana Dewitt - korvokal Anthony Crawford - korvokal Gary Pigg - korvokal Curtis Wright - korvokal Chuck Cochran - strykearrangement Fisk University Jubilee Choir, dirigert av Paul Kwami
Kjelder Denne artikkelen bygger på «Prairie Wind» frå , den 31. oktober 2010. oppgav desse kjeldene:
Kategori:Musikkalbum frå 2005 Kategori:Neil Young-album Kategori:Reprise Records-album Kategori:Album produserte av Ben Keith Kategori:Album produserte av Neil Young