The Rhythm of the Saints er det åttande albumet til Paul Simon. Det kom ut i 1990.
Etter suksessen med Graceland i 1986, der han hovudsakleg arbeidde med sørafrikanske musikarar, utvida Simon interessa si for verdsmusikk. Han reiste til Latin-Amerika for å hente musikarar og rytmar der, og slo seg saman med dei afro-brasilianske superstjernene Grupo Cultural Olodum, som var meistrar innan den særs perkusjonstunge understilen av samba kalla batuque eller batucada. Ein kan høyre tromminga til gruppa på opningssongen og den første singelen frå plata, «The Obvious Child». Den brasilianske låtskrivaren Milton Nascimento var med og skreiv «Spirit Voices» og medverka med noko vokal. Andre gjesteartistar var mandolin- og gitarra baiana-meisteren Armandinho, den afrokubanske trommisen Francisco Aguabella og den puertoricanske trommeslagaren Giovanni Hidalgo. Ein annan musikar var jazzperkusjonisten og berimbau-meisteren Naná Vasconcelos. Jazzgitaristen Rafael Rabelo spelte òg på albumet i lag med mange andre brasilianske musikarar.
Musikkstilen på The Rhythm of the Saints er derimot ikkje berre brasiliansk. Den amerikanske saksofonisten Michael Brecker og andre amerikanarar spelar blåsarar på plata, i tillegg til den amerikanske gitaristen J.J. Cale, keyboardspelaren Greg Phillinganes og jazztrommisen Steve Gadd. I tillegg til latinske rytmar finn ein òg vestafrikansk- og sentralafrikansk musikk.
Albumet har fleire impresjonistiske tekstar, mellom anna om Tsjernobylulukka og verdsstatusen.
The Rhythm of the Saints nådde fjerdeplassen i USA og vart nok eit suksessrikt album for Simon. I Storbritannia gjekk albumet heilt til topps. Ingen av singlane gjorde det særleg bra. 15. august 1991 heldt Paul Simon ein gratiskonsert i Central Park med over 750 000 menneske i publikum.
Innhald
Medverkande
Paul Simon - vokal, gitar Clifton Chenier - trekkspel Ladysmith Black Mambazo - korvokal Milton Nascimento - vokal Naná Vasconcelos - perkusjon, conga, triangel, berimbau, gourd Adrian Belew - synthesizer J.J. Cale - gitar Rigo Star - gitar Michael Brecker - saksofon Hugh Masekela - valthorn Giovanni Hidalgo - conga Kim Wilson - munnspel, olodum Clifton Anderson - trombone Francisco Aguabella - conga Artur Andres - perkusjon Mingo Araujo - perkusjon, kastanjettar, conga, cymbalar, trommer, triangel, shaker, afrikanske bjøller, go-bjølle, casinette Isaak Asante - perkusjon Martin Atangana - elektrisk gitar Dave Bargeron - eufonium, horn Karen Bernod - korvokal Jude Bethel - tenorsaksofon Jacques Bolognesi - trombone Randy Brecker - piccolotrompet Briz - korvokal Anthony Carrillo - bongotrommer Elolongue Mbango Catherine - korvokal Don Chacal - bongotrommer, conga, bata, gourd C.J. Chenier - trekkspel Wilson DasNeves - perkusjon, cowbell Djana'd - korvokal Charles Doherty - tenor & alt saksofon Steve Gadd - trommer Florence Gnimagnon - korvokal Myrna Lynn Gomila - korvokal Gordinho - sordu
Grupo Cultural - trommer Alain Hatot - saksofon Errol Ince - trompet Kia Jeffries - korvokal Remi Kabaka - perkusjon Bakithi Khumalo - bass Armand Sabal-Lecco - bass Charlotte M'bango - korvokal Andre Manga - bass Mazzola - perkusjon, chicote Jimmy McDonald - trekkspel Clyde Mitchell - trompet Madeleine Yayodele Nelson - chekere, bass Vincent Nguini - bass, gitar, clavinet Greg Phillinganes - synthesizer Ray Phiri - gitar Raphael Rabello - gitar Decio Ramos - trommer Felix Sabal-Lecco - trommer Paul Santos - perkusjon Paulo Sérgio Santos - chicote George Seba - elektrisk gitar Phillipe Slominski - trompet Pedro Sorongo - perkusjon, scraper Justin Tchounou - synthesizer Remy Kabocka - trommer Beloba - perkusjon Marçalzinho - perkusjon Armandinho - gitar Canegal - perkusjon Asante - trommer Sidinho Moreira - bongotrommer, conga, trommer, flaske, vassbolle Yo Yo De La Nelson - chakeire Jorge Ferreira da Silva - perkusjon Kofi Electrik - gitar
Kjelder Denne artikkelen bygger på «The Rhythm of the Saints» frå , den 6. november 2010.
Kategori:Paul Simon-album Kategori:Musikkalbum frå 1990