Turt er ei urt i korgplantefamilien med utbreiing i høglands- og fjellområde i Europa. Turt veks over heile Noreg og er funnen opp til 1460 m på Fillefjell.
mini|venstre|Botanisk illustrasjon av turt. Planta vert kring 120-130 cm høg og har ugreina stengel som er fiolett og kjertelhåra øvst. Ho har tynne kålgrøne blad og nedre blad har to-tre par finnar og brei trekanta endelapp. Korgdekkblada er mørke og kjertelhåra medan kronene er blå eller blåfiolette. Turt blømer kring juli månad i fuktig næringsrik skog, mest i fjell-lier.
Bruk Turt blir brukt som grønsak i italiensk matlaging, der planta er rekna som ein delikatesse. Unge skot blir kokte og serverte eller selde med olivenolje og tomatsaus.Scartezzini, F., et al. Domestication and field management trials of Cicerbita alpina (L.) Wallr. In: First International Conference on Crop Wild Relative Conservation and Use. September 14-17, 2005. Agrigento, Sicily, Italy. pg. 14-17. Eit marknadsnamn på denne retten er insalata dell'orso, 'bjørnesalat'.Scartezzini, F., et al. (2012). Domestication of alpine blue-sow-thistle (Cicerbita alpina (L.) Wallr.): six year trial results. Genetic Resources and Crop Evolution 59(3) 465-71.
Kjelder Johannes Lid: Norsk-svensk-finsk flora. Det Norske Samlaget, 1985. Cicerbita alpina, artsportalen.artsdatabanken.no
Delar av denne artikkelen bygger på «Torta» frå den 19. november 2010 og «Cicerbita alpin» frå den 24. august 2014. Referansar
Bakgrunnsstoff
Kategori:Viltveksande plantar i Noreg Kategori:Korgplantefamilien