Haldor Pedersson Helland () var ein norsk lærar, kyrkjesongar og gardbrukar frå Kvinnherad.
Far til Helland var leiglending på eit bruk på Onarheim i Kvinnherad. Sjølv var han skulehaldar frå 1817, i 1830 vart han også kyrkjesongar i Kvinnherad. Samstundes vart han gardbrukar på Helland i same heradet og dreiv denne garden sidan. I 1837 vart han medlem av det fyrste heradsstyret i Kvinnherad.
Helland representerte Søndre Bergenhus på Stortinget i 1851 og 1854. På begge tingsamlingane var han medlem av bankkomiteen.
Han døydde på garden sin i Kvinnherad i 1862.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1851-1853 Kategori:Stortingsrepresentantar 1854-1856 Kategori:Folk frå Kvinnherad Kategori:Norske gardbrukarar frå 1800-talet