Andreas Samuelsson Vibstad () var ein norsk gardbrukar og stortingsmann frå Overhalla i Nord-Trøndelag.
Far hans var gardbrukar. Sjølv vart han militær i 1803, tok avskjed frå det militære i 1827 som fanejunker. Frå 1813 var han gardbrukar på Svarli i Overhalla. Han var elles bruksfullmektig for eigedomar i Grong, tilhøyrande eit handelshus i Trondheim. Vibstad var medlem av heradsstyret frå 1838, ordførar i to år. Medlem av forlikskommisjonen 1836-50.
Han var 3. representant frå Nordre Trondhjems amt på Stortinget i 1827 og på omframstortinget 1828. I 1827 var han medlem av militærkomiteen.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1827-1829 Kategori:Stortingsrepresentantar for Nord-Trøndelag Kategori:Ordførarar i Overhalla Kategori:Norske gardbrukarar Kategori:Folk frå Overhalla