Georg Reinholdt Wankel () var ein norsk gardbrukar og stortingsmann frå Moss.
Wankel var son til ein gardbrukar. Han gjekk Ås høgare landbruksskule 1861-63. I 1869 overtok han farsgarden, som han utvida gjennom kjøp av grannegardar. Han starta kalkfabrikk på eigedomen.
Den lange perioden 1877-1905 var han medlem av heradsstyret for Moss landdistrikt, ordførar nokre år frå 1888. Styremedlem 1872-98 i landbruksselskapet i amtet, og 1877-92 i Selskabet for Norges Vel. Han var medredaktør av «Norsk Landmandsblad» 1884-89.
Wankel var 2. representant frå Smaalenenes amt på Stortinget 1889-91, der han var medlem av landbrukskomiteen. Han var vald for partiet Høgre.
Han døydde i Kristiania i 1907.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1889-1891 Kategori:Stortingsrepresentantar for Smaalenenes amt Kategori:Stortingsrepresentantar frå Høgre Kategori:Folk frå Moss