«We Gotta Get out of This Place», ofte skriven «We've Gotta Get out of This Place», er ein song skriven av Barry Mann og Cynthia Weil og spelt inn som ein hitsingel av The Animals i 1965. Det har vorte ein ikonisk song og var særs populær blant dei amerikanske styrkane under Vietnamkrigen.
I 2010 vart songen rangert på 235. plass på lista til Rolling Stone over dei 500 beste songane gjennom tidene. Han er òg på lista til The Rock and Roll Hall of Fame over dei 500 songane som forma rock and roll.
Historie Barry Mann og Cynthia Weil var eit ektepar som skreiv songar i Brill Building-miljøet i New York City i 1960-åra.
«We Gotta Get out of This Place» vart skriven og spelt inn som ein demo av Mann og Weill, og var meint for The Righteous Brothers. Dei hadde tidlegare skrive den store hitten «You've Lost That Lovin' Feelin'» for dei. Men så fekk Mann eigen platekontrakt for seg sjølv, og selskapet hans Redbird Records ønskte at han skulle gje ut songen i staden. Samstundes hadde direktøren i selskapet Allen Klein høyrt songen og gjeve demoen til Mickie Most, produsent for The Animals. Most hadde alt bestilt songar frå Brill Building-låtskrivarane for den neste innspelinga til gruppa), og The Animals spelte inn songen før Mann kunne.
Songen nådde andreplassen på den britiske singellista den 14. august 1965. Månaden etter nådde han 13. plass i USA og i september andreplass i Canada.
Innverknad På denne tida gjorde tittelen og den enkle appellen «me må bort her frå» at han vart særs populær på avslutningsfestar. Songen vart òg særs populær for dei amerikanske styrkane stasjonerte i Sør-Vietnam under Vietnamkrigen.
Salslister Liste (1965)PlasseringCanadian Singles Chart2Den tyske singellista31UK Singles Chart2US Billboard Hot 100[ The Animals USA chart history], Billboard.com. Henta 22. juli 2012.13
Andre versjonar Songen vart spelt inn av mange andre artistar, som The Partridge Family (1972), Bruce Springsteen, Udo Lindenberg (på tysk), Blue Öyster Cult (1978), Steve Bender (1978), Gilla (1979), Angelic Upstarts (1980), Grand Funk Railroad (1981), David Johansen (1982), Fear (1982), Richard Thompson (1988), Jello Biafra og D.O.A. (1989), Randy Stonehill (1990), Bon Jovi (1992), Midnight Oil (1993, MTV Unplugged), Space (1998), Southside Johnny (2000-åra), Widespread Panic (2005), Ann Wilson med Wynonna Judd (2007) og Alice Cooper (2011) samt mange andre.
Kjelder Denne artikkelen bygger på «We Gotta Get out of This Place» frå , den 16. desember 2011. oppgav desse kjeldene:
Kategori:Bluesrock-songar Kategori:Songar frå 1965 Kategori:Singlar frå 1965 Kategori:Songar skrivne av Barry Mann Kategori:The Animals-songar Kategori:The Partridge Family-songar Kategori:Bruce Springsteen-songar Kategori:Grand Funk Railroad-songar Kategori:Bon Jovi-songar Kategori:Katrina and the Waves-songar Kategori:Alice Cooper-songar Kategori:Songar produserte av Mickie Most 235 Kategori:Songar med tekst av Cynthia Weil Kategori:Columbia Graphophone Company-singlar Kategori:MGM Records-singlar Kategori:Songar om Vietnamkrigen