Fjellsporvar utgjer fugleslekta Montifringilla. Dette er sporvar i familien Passeridae. Som det engelske namnet 'snowfinches' og det vitskaplege namnet Montifringilla ymtar om, er dette artar som lever til fjells, og som finst i fjellkjedene i Eurasia, frå Pyreneane i vest, austover til Himalaya, Tibet og vestlege Kina.Clement et al. (1993)
Skildring og økologi Fjellsporvar er tettvaksne sporvar 13,5 til 17 centimeter i lengd, med sterkt koniske nebb. Dei har lysebrun overside, kvit underside og omfattande kvite felt i vengene, noko som kjem til syne i flukt. Vaksne individ kan ha svarte teikningar på haka eller rundt auga. Kjønna er vanlegvis svært like, sjølv om den hannen av arten fjellsporv har eit karakteristisk grått hovud. Fjørdrakta åt ungfuglar er ein gråare versjon av drakta til dei vaksne.Cramp (1977), Clement et al. (1993), Svensson et al. (1999)
Dei har enkle, gjentakande tema i songen, gjeve frå ein stein eller under forseggjorte flyging i sirklar. Ropa er enkle 'sjipp' eller liknande.Clement et al. (1993), Lei et al. (2005)
Dei fleste artar av fjellfinkar hekkar i høgder på over 3500 meter, men arten fjellsporv kan ein finne frå 1800 meter og oppover. Desse hardføre fuglane lever berre på grassletter i ope fjellterreng. Fjellsporvar er ikkje trekkfuglar, men kan vandre ned til lågare høgder eller menneskeleg busetjing om vinteren, og då er desse særs selskaplege fuglar som dannar store flokkar. Fjellsporvar søkjer primært føde på bakken og er frøetarar, sjølv om dei òg et små leddyr, spesielt i hekkesesongen. Dei er vanlegvis fryktlause, og vil beite rundt alpinanlegg, menneskeleg busetjing og avfallshaugar.
Dei hekkar i steinsprekker, eller meir typisk i hòla laga av gnagarar, og endå oftare av pipeharar. Den typiske storleiken på kullet er 3-6 egg.Clement et al. (1993), Svensson et al. (1999)
Artslista Montifringilla-sporvar i rekkjefølgje etter Clementslista versjon 6.8 frå august 2013 med norske namn etter Norske navn på verdens fugler.
Fjellsporv, Montifringilla nivalis (White-winged Snowfinch) Tibetfjellsporv, Montifringilla henrici (Tibetan Snowfinch) Svartvengfjellsporv, Montifringilla adamsi (Black-winged Snowfinch) Kvitgumpfjellsporv, Montifringilla taczanowskii (White-rumped Snowfinch) Gobifjellsporv, Montifringilla davidiana (Pere David's Snowfinch) Brunøyrefjellsporv, Montifringilla ruficollis (Rufous-necked Snowfinch) Tanggulafjellsporv, Montifringilla blanfordi (Blanford's Snowfinch) Afghanfjellsporv, Montifringilla theresae (Afghan Snowfinch)
Kjelder
Første versjon av denne artikkelen byggjer på «Snowfinch» frå , den 7. januar 2012, artikkelen gav følgjande referansar
Bakgrunnsstoff Videoar, bilete og lydopptak av fjellsporvar hos Internet Bird Collection
Kategori:Sporvefamilien Kategori:Fugleslekter