Domarr var ein halvmytisk konge av ynglingeætta i Svitjod, far til Dygve og son av Domalde. Om han fortel Snorre Sturlason at han rådde lenge, og at det var gode åringar i hans tid. Han sottdøydde i Uppsala og er brend på Fyrisvollane, der det og vart reist bautastein over han.
Ynglingatal seier det slik:
Tidt eg hev etter haugen hans Yngve vise mennar mykje spurd, om kor Domarr på den dynjande Halvs-banen borin vart. No eg veit, at verk-bitin frenden hans Fjolne ved fyri brann.
Den eldste Noregshistoria nemner berre at Domarr døydde i Sverike. Ynglingatal gjev hint om at kongen var gamal då han døydde (verk-bitin = råka av gikt).
Kategori: Ynglingeætta Kategori:Svenske sogekongar