Djenné er ein by i det midtre av Mali. Han ligg på ei øy i sideelva Bani, om lag 350 km søraust for Timbuktu. Han skal ha rundt 10 000 innbyggjarar.
Djenné har ein særmerkt moské bygd i 1906-1907 av leire. Saman med gamlebyen med nær 2000 leirhus som er tekne vare på, står moskéen på lista til UNESCO over natur- og kulturarv i verda.
Staden har hatt busetnad sidan 250 f.Kr. Sjølve byen vart grunnlagd i 765 og var ein viktig marknad for slavar og gull og eit sentrum for islamittisk lærdom. Byen vart hærteken av Sunni Ali og lagd under Songhairiket i 1473.
Kjelder
Kategori:Byar i Mali