Свобода́, Свобо́да, Nagybakos (Великый Бакош) — село в Береговском районѣ Закарпатской области Украины, центер сельской рады.Тронько П., с. 167. Сельска рада Свободской сельской радѣ подряджены тыж села Бадов, Бакош, Даниловка; ей адрес: Свободянська сільська рада 90210, Закарпатська обл., Берегівський р-н, с.Свобода, вул.Миру,51
Полога и газдовство Село оддалене од штации Батьово о 4 км, од районного центра Берегово — 35 км. Село мать середню школу, библиотеку и клуб.
Село мать барз выгодну пологу: на перекрещѣню трьох желѣзничных линий Чоп – Батьово – Бескид, Батьово – Солотвино и Батьово – Тужер, де е великый меджинародный рух товарох, активный економичный живот и добра можность заробку про обывательох села на додаток до традичного аграрного сектора.
История Село основане в року 1927 чехословацкыма колонистами и переселенцями зоз подкарпатской Верховины. Околичны землѣ належали членам земнянского рода Лоняйох (Lónyai ), а были од них одняты чехословацков владов по Трианону и роздѣлены немаетным колонистам. На тых землях было маерске газдованя, а якраз на мѣстѣ найвекшого маера Великый Бакош и была заложена централна колония Свобода́.
В року 1930 в селѣ жили 909 обывателѣ: 471 — Чехы и Словаци, 205 — Русины, 196 — Мадяре, 37 — чужоземцѣ (без горожанства ЧСР). Религийны громады: 327 — римокатолици, 185 — грекокатолици, 170 — евангелисты. Были двѣ школы: чешска (4 класы) и русинска (1 класа).Достал Я., с. 38.
По приходѣ Червеной армады (28. октобер 1944) совѣтска влада продовжила политику колонизации. Ту были приселены далшы 60 безземелных родин зоз Верховины, а яко стимул были им придѣлены 2500 катастралны голды землѣ. Тоты землѣ вшакже были им по даколькых роках одняты в добѣ колективизации, што была переведена до року 1949.
Жерела и одказы Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области