Arraba (arabisk عرّابة, hebraisk עַרָבָּה; òg kalla ‘Arrabat al-Battuf) er ein arabisk by i Israel. Han har kring 22 000 innbyggjarar (2011). Han ligg i Nedre Galilea i Nord-distriktet, nord for Nasaret og nær Sakhnin og Deir Hanna. Arraba fekk lokalkommunstatus i 1965, og bystatus i 2016.
Historie
Antikken Arraba er identifisert som ein jødisk landsby kalla Arab, på gresk kalla Garaba, som er nemnt i Misjnáסדר מועד og Jerusalem-Talmud i kapittel 16. Conder and Kitchner, 1881, s. 206
På 400- eller 500-talet levde kristne her og bygde ei kyrkje med mosaikkgolv og inskripsjonar.Dauphin, 1998, s. 715
Mellomalderen I 1250 var han ein av casales (landsbyane) som høyrte til Den tyske riddarordenen, ein krossfararorden.Ellenblum, 2003, s. 41. På 1200-talet vart Arrabah nemnt av den syriske geografen Yaqut al-Hamawi i Mu'jam al-Buldān (1224–1228), som ein «stad i provinsen Acca».le Strange, 1890, s. 399Sa'd Sabbagh, Biladuna Filasteen, Vol. 11
Osmansk tid Landsbyen vart ein del av Det osmanske riket i 1517 i lag med resten av Palestina.Hütteroth and Abdulfattah, 1977, s. 187
Zayadina-folket, ei arabisk, muslimsk stamme, skal ha flytta til Arraba ein gong på midten av 1600-talet. Sjeiken deira fekk seinare kontroll over byen og området rundt, i kamp med drusar-sjeiken Sallama. Sallama og andre drusarlandsbyar i nærleiken vart sidan øydelagde.Firro, 1992, s. 45. Arraba vart heimstaden til Dhaher el-Omar, ein seinare sjeik i Zayadina-stamma. I følgje ei lokal segn søkte han tilflukt der etter å ha drepe ein tyrkisk soldat. Han fekk støtte hos den lokale sjeiken, Muhammad Nasser, som hjelpte han til å oppnå semje med ein nabolandsby, noko som førte til ei rekkje felttog der han erobra heile Galilea. Ein bygning som er sagt å vere heimen til el-Omar står framleis.Petersen, 2001, p. 95
Staten Israel mini|House of the family of Zahir al-'Umar
I 1948, under Operasjon Hiram (29.-31. oktober), overgav byen seg til den israelske hæren. Mange av innbyggjarane flykta, men dei som vart verande, vart ikkje forviste av dei israelske soldatane.Morris, Benny (1987) The birth of the Palestinian refugee problem, 1947-1949. Cambridge University Press. ISBN 0-521-33028-9. s.226 Landsbyen vart verande i unntakstilstand fram til 1966.
Idrett Fotballaget i byen er Ahva Arraba, som i dag spelar i Liga Leumit, det nest øvste nivået i israelsk fotball.
Kjelder
Denne artikkelen bygger på «Arraba, Galilea» frå , den 6. desember 2014. oppgav desse kjeldene:
Petersen, Andrew (2001): A Gazetteer of Buildings in Muslim Palestine: Volume I (British Academy Monographs in Archeology)
Bakgrunnsstoff
Welcome To 'Arraba - Buttof - عرابة البطوف (עראבה) ved palestineremembered.com
Kategori:Kommunar i Israel Kategori:Arabiske stader i Israel Kategori:Lokale kommunar i Nord-distriktet i Israel