Daliyat al-Karmel (hebraisk skrift arabisk دَالِيَةِ ٱلْكَرْمِل) er ein drusar-by i Haifa distrikt i Israel, kring 20 km søraust for Haifa. Mot slutten av 2012, var folketalet 16 000.Israel, Central Bureau of Statistics, Statistical Abstract of Israel 2013, Table 2.24 Daliyat al-Karmel, som ligg på Karmelberget, er den største og sørlegaste drusarbyen i landet.
Historie I 1283 var både Daliyat al-Karmel og Kh. Doubel (like sør for Daliyat al-Karmel) nemnde som ein del av området til krossfararane, i følgje hudnaen mellom krossfararane i Akko og mamelukk-sultanen Qalawun.al-Qalqashandi version of the hudna, referred in Barag, 1979, s. 209, nr. C1 og C2
I 1870 omtalte den franske oppdagaren Victor Guérin omfattande ruinar sør for Daliyat al-Karmel, kalla Khirbet Doubel. Ruinane var dei mest omfattande på Karmelberget. Guérin meinte det måtte ver byen på Karmelberget som er nemnd av Plinius.Guérin, 1865, pp. 296-296 Conder og Kitchener kartla område og noterte «spor av ruinar» ein stad søraust for sentrum av landsbyen kalla Dubil.Conder and Kitchener, 1881, SWP I, p. 303 Seinare utgravingar der har avdekt funn frå jernalderen, tidleg romartid og bysantinsk tid.Shadman, 2006, Horbat Devela, final report
På 1600-talet, då området var ein del av Det osmanske riket, om drusarar frå åslandet nær Aleppo i Syria til Daliyat al-Karmel, og i 1859 utgjorde dei 300 innbyggjarar.Conder and Kitchener, 1881, SWP I, p. 281
I 1870 vitja den franske oppdagaren Victor Guérin landsbyen. Han talde 400 innbyggjarar, alle drusarar. Husa var hovudsakleg bygde av adobe, med berre få steinhus. Dei lokale heldt gudsteneste i ei grotte, der Guerin ikkje fekk lov å gå inn.Guérin, 1875, p.248
I 1881 vart landsbyen skildra av Palestine Exploration Fund i Survey of Western Palestine som «ein steinlandsby på ein knoll på Karmelberget. I sør ligg ein brunn og ei fin kjelde i vest, nær Umm esh Shukf. I nord ligg ei lita slette eller ein open dal, oppdyrka med korn. Alle innbyggjarane er drusarar». I midten av 1880-åra var folketalet estimert til 620 drusarar.
I folketeljinga i 1922 utført av dei britiske mandatstyresmaktene, hadde Daliat al-Carmel 993 innbyggjarar, 921 drusarar og 21 kristne,Barag, 1923,Table XI, Sub-district of Haifa, p. 33 og dette auka i 1931 til 1173, då det var 1154 drusarar, 11 kristne og åtte muslimar, fordelt på 236 hus.Mills, 1932, p. 89
I 1945 budde det 2 060 arabarar i Daliyat al-Karmel.Government of Palestine, Department of Statistics. Village Statistics, April, 1945. Quoted in Hadawi, 1970, p. 47
Byen fekk status som lokal kommune i 1951. I 2003 vart han slått saman med den nærliggande Isfiya til Ir HaKarmel. I 2008 vart dei to byane skilde igjen.
Kjelder
Denne artikkelen bygger på «Daliyat al-Karmel» frå , den 7. april 2015. oppgav desse kjeldene:
Mülinen, Egbert Friedrich von 1908, Beiträge zur Kenntnis des Karmels "Separateabdruck aus der Zeitschrift des Deutschen Palëstina-Vereins Band XXX (1907) Seite 117-207 und Band XXXI (1908) Seite 1-258." ("Daliet el-kirmil": p. 242 ff. )
Bakgrunnsstoff Welcome To Daliyat al-Carmel Israel tourist board: Daliyat al-Carmel Survey of Western Palestine, Map 5: IAA, Wikimedia commons
Kategori:Lokale kommunar i Israel Kategori:Drusarstader i Israel Kategori:Lokale kommunar i Haifa distrikt