Vorskla (russisk og ukrainsk Ворскла) er ei elv i Belgorod oblast i Russland og Poltava og Sumy oblast i Ukraina, og ei av sideelvane til Dnepr frå venstre. Vorskla har ei lengd på 464 km og eit nedslagsfelt på 14 700 km².
Ho har kjelda si på Det sentralrussiske høglandet, nordvest for Belgorod. Ho renn sørvestover frå kjelda og inn i Ukraina og munnar ut i Dnepr gjennom eit stort delta på nordsida av Dniprodzerzjynsk-reservoaret. Dei viktigaste sideelvane hennar er Vorsklytsja, Velykyj Kobeljatsjok, Poluzirja, Kustolova, Boromlja, Merla, Kolomak og Takhamlik.
Langs Vorskla ligg mellom anna byane Poltava, Novi Sanzjary, Okhtyrka og Kobeljaky i Ukraina og Grajvoron og Stroitel i Russland. Elva er seglbar frå munningen til Kobeljaky.
I 1399 vart slaget ved Vorskla utkjempa i området. I 1709 vart byen Poltava ved Vorskla omleira av Karl XII under Slaget ved Poltava.
Bakgrunnsstoff National Geographic: Foto av Vorskla
Kjelder
Denne artikkelen bygger på «Ворскла (река)» frå , den 19. oktober 2008.
Kategori:Sideelvar til Dnepr Kategori:Elvar i Russland Kategori:Elvar i Belgorod oblast Kategori:Elvar i Ukraina Kategori:Poltava oblast Kategori:Sumy oblast Kategori:Internasjonale elvar i Europa Kategori:Den russisk-ukrainske grensa