Gøril Snorroeggen () er ein norsk handballspelar frå Trondheim. Ho har sidan nyår 2011 spela for det danske laget Esbjerg, etter å ha spela i ti sesongar for Byåsen Idrettslag. Snorroeggen har vunne to EM-gull, to OL-gull og eitt VM-gull i åra frå 2004 til 2011.
Aktiv Snorroeggen spela i ti sesongar på Byåsen, eitt av dei aller beste laga i norsk toppserie i perioden. Ho var med på Byåsen sitt lag som i 2007 tapte finalane i den europeiske cupvinnarcupen mot Oltchim Valcea frå Romania, etter 24-30 heime og 29-29 borte. Her spela ho på lag med Tonje Nøstvold, Marit Malm Frafjord, Vigdis Hårsaker, Camilla Herrem, Ida Alstad og Kari Aalvik Grimsbø.
Snorroeggen har i åra 2004-12 spela 102 landskampar og skåra 224 mål for Noregs kvinnelandslag i handball. Ho har vorte europameister to gongar (2004 og 2006), olympiameister i 2008, 2012 og verdsmeister i 2011, dessutan vann ho VM-sølv i 2007.
Også den eldre systera Marte Snorroeggen har spela landskampar i handball for Noreg.
Merittar landslag EM 2004: Gullmedalje etter 27–25 mot Danmark EM 2006: Gullmedalje etter 27–24 mot Russland VM 2007: Sølvmedalje etter 24–29 mot Russland OL 2008 i Beijing: Gull etter norsk siger 34-27 mot Russland EM 2008: Gullmedalje etter 34-21 mot Spania VM 2011: Gullmedalje etter 32-24 mot Frankrike OL 2012 i London: Gullmedalje etter norsk siger 26-23 over Montenegro
Kjelder Denne artikkelen bygger på «Gøril Snorroeggen» frå , den 25. juli 2012.
Bakgrunnsstoff Gøril Snorroeggens profil på handball.no Introduksjon av Gøril Snorroeggen hos Europamester.dk
Kategori:Norske handballspelarar Kategori:Norske fotballspelarar Kategori:Verdsmeistrar i handball Kategori:Europameistrar i handball Kategori:Olympiske medaljevinnarar i handball Kategori:Olympiske meistrar for Noreg Kategori:Medaljevinnarar under sommar-OL 2008 Kategori:Norske deltakarar under sommar-OL 2008 Kategori:Handballspelarar under sommar-OL 2008 Kategori:Medaljevinnarar under sommar-OL 2012 Kategori:Norske deltakarar under sommar-OL 2012 Kategori:Handballspelarar under sommar-OL 2012 Kategori:Spelarar i Handball-EM 2004 for kvinner Kategori:Spelarar i Handball-EM 2006 for kvinner Kategori:Spelarar i Handball-EM 2008 for kvinner Kategori:Spelarar i Handball-VM 2007 for kvinner Kategori:Spelarar i Handball-VM 2011 for kvinner Kategori:Folk frå Trondheim